|
| 今日同老細去國金開會..... 果面座野話lift門開閂時有好大氣流, 係lift門發發聲咁出氣, 勁到吹起人裙底咁話, 所以搵老細去睇下, 比下意見咁wor...... 全程坐左係度, 係咁聽d大粒佬吹水, 講左好鬼耐, 最後咪又係一句 "stack effect"....... 講就易, 但條數就有排計........ 唔通一份report寫幾句stack effect就收人十幾萬, 難道份野用金泊印ma? 所以話, 做呢d野好過炒股, 只要有咩專業資格, 吹出黎既水都會變做金水, 寫出黎既字都會洛陽紙貴..... 你話, 錢幾易賺呢.......... 但點解我賺極都係雞碎咁多 | | |
| 今日閒著無事, 原本皇崗之行又告吹, 唯有四圍行下. 去到維園附近, 中央近處, 有兩個差人阿sir企左係度 "哥仔, 行埋黎" 我只有行近, 其中一個老d 的阿sir著我拿出身分證, 反正我成日都比差佬夾, 都冇咩特別感覺..... "你係度做咩ar?" "食飽飯四圍行下law" "你好生面口wor, 係度住ga?" 我心諗, 香港七百萬人, 淨銅鑼灣都有成十幾廿萬人, 難道你全部都見過嗎?況且, 呢度係維園, 係度住, 難道你當我係露宿者ma? 其實個阿sir都好生面口, 唔通佢又........ 當然, 口中我當然答佢我住灣仔.... 跟住, 佢將我張身分證交左比隔離果位後生阿sir..... 個老既好似教仔咁, 教個後生要點講, 羅張身分證時要報咩資料番台, 叫佢講完一句野要嗌over, 全部野報晒冇事要叫roger, 個後生係咁點頭照做, 但佢又唔記得開對講機, 又唔知報咩上去, 等個老sir示範, 佢先明白.... 我終於知道, 原來個阿sir逗我, 係想比個後生實習實習, 比d 實質demostration佢玩下, 但可憐的我只有站在一旁, 好似犯咁比人望住.... 慣左, 但總係覺得佢地咁想打擾良好市民, 實在唔係太arm.... | | |
| 終日無所事事, 番工放工開工收工, 亦復如是.....
一日午飯, 係附近食野, 有兩人搭台同坐, 只見二人氣宇軒昂, 赤著上身, 一身黝黑皮膚及健碩身型盡映眼簾中...
其中有一人似曾相識, 細看之下, 原來是紅遍中日韓的大型男---金城武.......但當然不是他真人, 只是一個相貌有幾份相似的青年人, 他倆一給我的印象就是附近開工的"姑喱"......
"金城武"甫坐下, 便叫飯食, 他用帶著潮州口音的廣東話叫 : "今日c餐有咩食ar阿姐?"
"星洲炒米ar!", 阿姐答...
"星洲炒米? 都係星洲炒飯arm食d"
"冇星洲炒飯ga wor!"
"咁我要星洲炒米, 唔要米粉, 跟飯"
阿姐唯唯諾諾, 只有落單..........
廚房一見order, 不明所以, 大喊, "咩x野星洲炒飯ar?"
阿姐連忙開解道, "即係咖哩炒飯law", 廚房只有跟住做....
金城武又道: "阿姐, 有冇炒青菜?"
"冇, 一係係出面餐盤夾兩蚊菜比你la"
"都好....."
阿姐的菜送上到金城武面前, 只見他和同伴吃得很滋味, 還一邊吃一邊說, "呢排成日食肉, 冇屎痾, 要食番d青菜, 今晚先至痾得出"
同伴亦認同呢點, 答他道" 兩蚊菜真係抵食"
坐在對面的我亦身同感受, 只因"痾屎唔出慘過大病", 但唔明點解佢又會食埋晒星洲炒飯此等至熱至毒之物........心中暗嘀咕, 真人金城武會否也有同樣難題呢? | | |
| 今日打風, 一早入香港仔羅安全卡, 成間CITA好似鬼屋咁, 人影都冇, 搵個counter都要成三個字.....
聶歌信山好好風, 一路行一路比風吹到東歪西倒, 有行路難之感慨...
咁樣一出一入就磨左大半個朝頭早, 又順便欣賞下香港仔的景色
放工搭巴士番屋企, 架641由九龍灣到東廊都大致暢順, 點知仲差六百米埋站落車時就出事, 成條告士打道塞死, 車郁都唔郁下, 等左成三個字都未郁過.....
逕自落下層觀察環境, 下層站滿了五內如焚, 心急等落車的人...
有人電話響起, "x你xx, 塞梗車, 遲d到"
有人不耐煩地在車箱走動, 亦有人在座位上搖動, 也有人問司機發生了咩事.....
阿叔: "點解咁x塞車"
司機: "我點知wor, 咁環境, 你地個個趕落車, 我趕收工, 有咩計"
阿叔: "咁我係度落車得唔得?"
司機: "呢度馬路邊, 比你地落車, 有咩事大家唔掂"
大家木訥良久, 車上也鴉雀無聲.......
再過五分鐘, 阿叔又問可否落車, 司機仍回以同樣對話........
....................
..................
接著, 當車箱中的眾人看到後面的巴士放人落車後, 便開始鼓譟起來....
乘客甲: "人地d車都放人wor, 司機你都放人la"
乘客乙: "司機, 你放過我地la, 我全家人等我開飯ar"
乘客丙: "我趕開工ga, 就比人炒la"
阿叔: " x你老x, 快x d開門la"
結果, 在各位大哥的乞憐, 問候及要求後, 司機大佬無奈地開門, 目送大家落車
如果巴士阿叔真係重臨, 佢果句:"即刻落車, 唔好係架車度" 一定會引黎熱烈掌聲, 爭一句 "x你老x, 快開車門", 睇怕可以做下半年巴士金句.... | | |
| 今天是六四十七周年紀念.....
一年又是一年, 這場春夏之交的政治風波從未得到正名, 瀟瀟雨未歇, 民恨何時滅?
還記得小時侯不懂事, 在電視上看到的畫面異常混亂, 一整天播放的是北京消息, 而見到的景象永遠是火光熊熊, 人聲鼎沸....
人民解放軍在北京市民的"走狗"聲中步操而過, 著火的軍車被群眾包圍....
這就是我記得的六四, 在我小時候我總覺得中國為什麼會這麼亂? 沒秩序, 沒法律, 我還以為北京市民真的是在搞動亂....
及至長大, 我才知道, "生命誠可貴, 愛情價更高, 若為自由故, 二者皆可拋"的含義, 十七年的光陰, 過千條的性命又豈只是一句"政治風波"那麼簡單?
有人認為平反六四只是一個定性, 就算平反也只是承認了黨在十七年前的錯誤, 為何這麼簡單的事情也不能實行呢?
就是一個定性, 這個定性關係到既得利益者和一些幕後當權者的地位, 一但平反, 共黨這個沒民眾基礎的統治階級就變成岌岌可危............
中國人的命運要決定在自己的手中!!
國家青年萬歲, 中華民族復興萬歲! | | |
|
